Një aksident i rëndë ka ndodhur paraditen e sotme në Fier, ku një makinë ka përplasur për vdekje një fëmijë 5 – vjeçar. Ngjarja ka ndodhur në fshatin Kurjan, ku mësohet se i mituri ka mbërritur i pajetë në spital. Ende nuk dihet sesi ka ndodhur ngjarja, ndërsa policia ka mbërritur në vendngjarje dhe ka shoqëruar në komisariat drejtuesin e mjetit tip “Ford”, 41-vjeçarin Leonard Abedinaj.
Informacion paraprak
Në datën 30.06.2018, rreth orës 11:10, në fshatin Kurjan, shtetasi Leonard Abedinaj, 41 vjeç, duke drejtuar mjetin tip “Ford” ka aksidentuar një shtetase të mitur 5 vjeçe e cila ka ndërruar jetë rrugës për në spital.
Shtetasi Leonard Abedinaj është shoqëruar në Komisariatin e Policisë Fier dhe po kryhen veprimet proceduriale.
Grupi hetimor po punon për zbardhjen e plotë të kësaj ngjarje.
