Një aksident tragjik është shënuar paraditen e sotme në aksin Bratër-Bulqizë. Mjeti Land Rover ka dalë nga rruga duke rënë në humnere. Nga të dhënat e para raportohet për një viktimë dhe një të plagosur. Një helikopter i emergjencave është nisur për të transportuar të plagosurin drejt Tiranës.
Informacionet paraprake të policisë së Dibrës bëjnë të ditur se rreth orës 10.30 mjeti ka dalë nga rruga. “Menjëherë shërbimet policore dhe grupi hetimor kanë shkuar në vendin e ngjarjes ku paraprakisht kanë konstatuar se shtetasi M.B, duke drejtuar automjetin tip Land Rover ka humbur kontrollin dhe për pasojë ka rënë në një humnerë.
Nga ky aksident rrugor ka humbur jetën shtetasi A.L, rreth 60 vjeç, që ishte pasagjer në automjet, ndërsa drejtuesi i mjetit po transportohet me helikopter për ndihmë mjekësore drejt Tiranës”, thuhet në njoftimin zyrtar.
Grupi hetimor ndodhet në vendin e ngjarjes ku po heton për zbardhjen e shkaqeve të aksidentit.
