Një aksident tragjik ka ndodhur në autostradën Tiranë Durrës, ku për pasojë ka humbur jetën një 19 vjeçar, i cili ishte pasagjer në automjet. Ngjarja mësohet se ka ndodhur rreth orës 00:40 në “Marikaj”.
‘Rreth orës 00:40, në autostradën “Tiranë-Durrës”, në zonën e “Marikaj”, shtetasi D. D., rreth 18 vjeç, dyshohet se ka humbur kontrollin mbi drejtimin e automjetit dhe për pasojë, automjeti ka dalë nga rruga.
Nga aksidenti ka humbur jetën pasagjeri në automjet, shtetasi E. B., rreth 19 vjeç, ndërsa janë dëmtuar drejtuesi i mjetit dhe pasagjeri tjetër, të cilët ndodhen në spital, nën kujdesin e mjekëve’, thuhet në njoftimin e policisë
Grupi hetimor vijon punën për përcaktimin e shkakut të aksidentit dhe sqarimin e rrethanave.
