Një aksident i rëndë ka ndodhur pak minuta më parë në segmentin rrugor Levan-Tepelenë, në vendin e quajtur Mogila. Si pasojë e aksidentit raportohet të kenë humbur jetën dy persona.
Ndërkohë policia dhe autoambulanca janë nisur për në vendngjarja. Nuk dihet ende rrethanat e aksidentit.
Burime për Express bëjnë me dije se personat që kanë humbur jetën janë Syrja Sina dhe Luan Bilbili, ndërsa i plagosur në gjendje të rëndë për jetën, mbeti Erjon Sinani.
Nga të dhënat e para mësohet se automjeti ka qenë me shpejtësi më të lartë se sa paralajmërohet në tabelat anë rrugës në këtë aks. Por ajo që ka shkaktuar daljen e makinës nga rruga dhe përmbysjen e saj, është manovra e shoferit për të shmangur një kafshë e cila kaloi në rrugë.
Sipas burimeve nga Policia, pas manovrës shoferit i ka humbur kontrolli i drejtimit të makinës dhe për pasojë kanë përfunduar jashtë saj.
Po ashtu mësohet, se dy personat që humbën jetën nuk kanë pasur të vendosur rripin e sigurimit.
*foto ilustuese
