Aksident, i moshuari në gjendje të rëndë. Dëshmitarët: Ambulanca u vonua

Një i moshuar mbeti i plagosur rëndë pasi u përplas nga makina në qendër të Elbasanit. Ai po ecte me biçikletë në rrugë kur u mor përpara nga mjeti i një kompanie private. Policia ende nuk ka dhënë detaje për shkaqet e aksidentit, por mësohet se i moshuari është në gjendje kritike për jetën. Dëshmitarët në vendin e ngjarjes kanë denoncuar se të plagosurit nuk iu dha ndihma e parë në kohë, raporton TCH. “Prej disa minutash i moshuari qëndroi në tokë pa ndihmë për shkak të vonesës së ambulancës”, thanë ata.