Një tren i shpejtësisë së lartë ka dalë nga shinat në veri të Italisë duke shkaktuar dy viktima.
Treni i linjës Salerno – Milano po udhëtonte me një shpejtësi rreth 300 kilometra në orë kur doli nga shinat në qytetin Lodi, pranë Milanos.
Aksidenti shkaktoi rreth 30 të lënduar por jo me dëmtime serioze ndërsa rezultoi fatal për dy makinistët e trenit të cilët humbën jetën.
Sipas autoriteteve italiane hetuesit e prokurorisë kanë mbërritur në vendngjarje pasi ende nuk janë të qarta shkaqet e këtij aksidenti, pasojat e të cilit mund të kishin qenë edhe më të rënda.
Sipas gjetjeve fillestare të raportuara nga media, vagoni doli nga shinat dhe goditi një kamionçinë në një korsi paralele përpara se të godiste një ndërtesë të hekurudhës. Mediat italiane raportuan se ishin zhvilluar punime në hekurudhë të mërkurën në mbrëmje.
Aksidenti i fundit hekurudhor serioz në Itali ishte në Janar 2018, kur tre gra vdiqën dhe rreth 100 njerëz u plagosën kur një tren doli nga pista në afërsi të Milanos si pasojë e mirëmbajtjes së dobët të shinave të trenit. Menaxherët dhe punonjësit e hekurudhës shtetërore të Italisë, RFI, së bashku me dy ish anëtarët e agjencisë kombëtare të sigurisë hekurudhore u akuzuan për vrasje nga pakujdesia dhe krime të tjera. /Opinion.al
