Një aksident i rëndë është shënuar pasditen e sotme brenda ambientit të portit në Durrës.
Si pasojë e aksidentit ka mbetur e vdekur një 25-vjeçare. Mësohet se aksidenti ka ndodhur rreth orës 15:30 , teksa shoferi 39-vjeçar i një kamioni, i identifikuar me inicialeF. K. ka përplasur për vdekje të renë me iniciale A.H.
Grupi hetimor ndodhet në vendngjarje ndërsa shoferi është shoqëruar në ambjentet e Policisë për veprime të mëtejshme.
Durrës/Informacion paraprak
Më datë 07.01.2021, në orën 15:30, në lagjen nr.3, Durrës, në ambientet e portit, shtetasi F. K., 39 vjeç, duke drejtuar mjetin tip “Man”, trajler, ka aksidentuar shtetasen A. H., 25 vjeçe, e cila për pasojë ka ndërruar jetë.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
