Kryeministri Edi Rama këtë të mërkurë ka publikuar disa pamje nga punimet për zgjerimin e rrugës Elbasan-Qafë Thanë.
Në një postim në rrjetet sociale, teksa publikon fotot, kreu i qeverisë shkruan se vijon puna për ndërtimin e nënkalimeve dhe urës automobilistike.
Rama më tej thotë se ky aks do të shkurtojë rrënjësisht distancat dhe do të kthehet në një rrugë interurbane me katër korsi, si pjesë e korridorit të 8-të.
“Kantieri për zgjerimin e rrugës Elbasan-Qafë Thanë, ku puna vijon për ndërtimin e nënkalimeve, urës automobilistike, një aks ky që do të shkurtojë rrënjësisht distancat dhe do të kthehet në një rrugë interurbane me katër korsi, si pjesë e korridorit të 8-të, tanimë i përfshirë në rrjetin europian”-sjkruan Rama./Opinion.al
