Një akrobat cirku u plagos rëndë, pasi u rrëzua disa metra nga një makineri rrotulluese gjatë një shfaqjeje argëtuese.
Akrobati rreth të 20-ave, u rrëzua teksa hipi në “Rrotën gjigante të vdekjes” në Cirkun Hippodrome në Great Yarmouth, Norfolk, të mërkurën mbrëma.
Dëshmitarët përshkruan se si fillimisht menduan se rënia ishte pjesë e shfaqjes.
Policia tha se artisti “ka pësuar lëndime serioze, që mund t’i ndryshojnë jetën”.
Jack Jay, menaxher dhe drejtues i cirkut, tha:
“Ai ishte plotësisht i vetëdijshëm pas rënies dhe dy anëtarë të audiencës, që besohet se ishin një oficer policie jashtë detyrës dhe një ndihmës mjek, dolën përpara për të ndihmuar”.
Një dëshmitar, i cili e kishte parë më parë aktin në Hipodrom, tha se akrobati kishte sytë e lidhur dhe fillimisht mendoi se rënia ishte pjesë e shfaqjes.
Një zëdhënës i policisë tha:
“Oficerët po punojnë me autoritetet lokale për të përcaktuar rrethanat që çuan në incidentin.”
Artisti u dërgua me ambulancë në spitalin James Paget dhe më vonë u transferua në spitalin Addenbrooke në Kembrixh, ku ndodhet në një gjendje të qëndrueshme.
Drejtuesi i cirkut tha se shpresonte që shfaqjet të rifillonin nga mbrëmja e së enjtes pasi të jepej leja zyrtare nga autoritetet./Opinion.al
