Kryeministri Edi Rama mori pjesë në prezantimin e projektit të kampusit sportiv të Akademisë së Futbollit të Manchester City në Durrës.
Ai e nisi fjalën me një falënderim për grupin e “City-t” që i dha një mundësi të tillë Shqipërisë, për ndërtimin e një “stacioni” të rëndësishëm edhe në rajon.
Ndërsa tha se shumë shpejt do sjelli edhe Akademinë e Rafa Nadal.
“Më vjen mirë që arritëm jo vetëm të kemi një kontratrë për ta ndërtuar këtu këtë akademi por të kemi edhe një ekskluzivitet për të gjithë rajonin e Ballkanit, me kusht të kontratës që në rast se në të ardhmen do të hapet një stacion tjetër i Manchester City, Bashkia e Durrësit do të jetë partnere edhe atje.
Federata të promovojë këtë projekt dhe të ndihmojë me të gjitha klubet e futbollit në Shqipëri por edhe me klubet e futbollit në rajon për të kthyer sytë e trokitur në derën e kësaj akademia ku duam që të mblidhet ajka e talentit që ka ky vend, që në moshë të vogël në këtë sport që është më popullori në botë.
Kemi marrë një projekt pa lekë, është kulmi, dhe Marko me shumë kënaqësi në fakt, të paktën kështu u duke në telefon se fytyrën nuk ia thashë tha “relago”. Të marrësh dhuratë nga Marko nuk është e lehtë.
Do të kemi në kampus të një ekselence arkitektonike dhe funksionale të sporvuar jo thjesht tek stadiumi ynë kombëtar, që është një ndër stadiumet më të bukur të Evropës, pavarësisht se i vogël në kapacitet.
Përpos këtij projekti, shumë shpejt do sjellim edhe Akademinë e Rafa Nadal, akademi tenisi e cila shpresoj se do i bashkëngjitet kampusit, kuptohet me gardh të ndarë, se për të vënë gardhe kemi autorë që nga Shijaku e deri në Porto-Romano. Por me një energji të shtuar dhe funksion komplementar si destinacion sporti është edhe Universiteti kështu që gjithë ajo zonë do kthehet nga një kënetë e dikurshme në një zonë mjaft atraktive”, tha Rama.
