Në një dalje për mediat, në përfundim të mbledhjes së qeverisë, ministrja e Arsimit, Evis Kushi, ka deklaruar se me vendimin të Këshillit të Ministarve do të riorganizohet Akademia e Studimeve Albanologjike.
Kushi tha se vendimi i Këshillit të Ministrave parashikon që Akademia e Studimeve Albanologjike do të kalojë me institutet e saj autonome brenda Akademisë së Shkencave.
“Kemi miratuar një vendim që ka pasur shumë diskutime debate, dezinformime e spekulime. Është fjala për riorganizimin e Akademisë për Studimet Albanologjike nga Akademi që nuk mund të jetë Akademi se nuk i plotëson kriteret në njësi autonome apo institute autonome pranë Akademisë së Shkencave me qëllim ta ngremë në një nivel të ri për rëndësinë që ka sa i takon vlerave dhe identitetin tonë kombëtar. Ka qenë shkëputja e instituteve që kanë qënë pranë Akademisë së Shkencave që krijuan qendrën e studimeve albanologjike që me miratimin e ligjit të arsimit të lartë kjo qendër kërkoi që të kthehej në Akademi. Ministria e Arsimit e miratoi dhe kërkoi që kjo akademi të riorganizohej për tu përputhur me kriteret ligjore. Por Kjo Akademi edhe pse mori këtë emër dhe u mbështet nuk arriti të riorganizohet për të qenë në respekt të ligjit. Në janar të 2023, Ministria e Arsimit ushtroi kontroll si detyrim ligjor dhe janë konstatuar një sërë problematikash dhe shkelje të rënda ligjore, nga ana e administrimit dhe financave. Në raportin që i është dërguar Akademisë për Studimet Albanologjike janë të renditura problematikat por unë mund t’ju përmend disa. Akademia e studimeve Albanologjike nuk ka pasur një fakultet, detyrimi i parë ligjor, nuk ka mësimdhënie që e bën të pamundur të funksionojë si institucion i Arsimit të lartë. Po ashtu Akademia për Studimet Albanologjike është e pa-akredituar nga ana e programeve të studimit. Nuk është akredituar asnjëherë. Edhe kur qeveria shqiptare mori kompani të huaj angleze, kjo akademi ishte e vetmja që nuk u akreditua që e bën të pamundur edhe të lëshojë diploma sepse sipas ligjit një institucion lëshon diploma vetëm nëse është i akredituar. Një shkelje tjetër e rëndë ligjore. Ka 8 vite që Akademia nuk regjistron asnjë student në asnjë program studimi dhe kjo i bën pasive të gjitha programet. Ka një sërë argumentesh që e bën të pamundur ekzistencës, ka problematika edhe në institutet e saj, hierarkia, përgatitja e ngarkesave mësimore. Ne sot po e riorganizojmë këtë akademi duke i vendosur si qendra autonome pranë akademisë së Shkencave të Shqipërisë”-tha ministrja e Arsimit Evis Kushit./Opinion.al
