Ajola Xoxa, bashkëshortja e kryebashkiakut të Tiranës, Erion Veliaj është paraqitur ditën e sotme në ambjentet e Prokurorisë së Posaçme.
Xoxa ka mbërritur rreth paradites në SPAK në zbatim të masës së sigurisë “detyrim paraqitje”.
Për të zbatuar masën e sigurisë ajo duhet të paraqitet të premten e parë dhe të tretë të çdo muaji në SPAK.
Ndërkohë Veliaj ka kërkuar sot lirinë nga paraburgimi i Durrësit, ku qëndron prej 10 shkurtit, në Gjykatën e Apelit të Posaçëm.
Kujtojmë se Xoxa është vënë nën hetim bashkë me Veliajn për dyshimet se janë përfshirë në korrupsion dhe pastrim parash.
