Johnny Depp po përpiqet që të pastrojë imazhin e tij nga akuzat e ish-bashkëshortes Amber Heard. Amber e akuzoi aktorin e njohur se e kishte dhunuar fizikisht, ndërsa Depp ka paraqitur në gjykatë një dosje me fakte që vërtetojnë sipas tij se, ai nuk ka bërë asnjëherë një gjë të tillë.
Ai e cilëson ish-bashkëshorten si personin e vetëm që shkatërroi martesën e tyre me tradhëti, harxhime të çmendura dhe shfrytëzim. Brenda 40 faqeve citohen dëshmi nga persona të ndryshëm pranë tyre që tregojnë se historia është shpikur nga aktorja në mënyrë që të avanconte në karrierën dhe famën e saj.
” Ajo planifikoi gjithçka, është e ligë. Se kuptoj si e kam ndarë shtratin me të”, tha aktori për TMZ.
Gjithashtu dëshmitarët thonë se, jo vetëm që historia ishte e shpikur, por Amber llogariti që sulmi të përkonte me kohën e publikimit të filmit që i dha asaj rolin e parë kryesor me një çmim shumë të lartë.
55-vjeçari Depp gjithashtu pretendon se aktorja po e tradhtonte me sipërmarrësin miliarder, Elon Musk, gjatë gjithë martesës së tyre. Ata u ndanë në vitin 2016, ndërsa gjyqet mes tyre vazhdojnë./Opinion.al
