Arlind Ajeti do të jetë një nga mungesat e mëdha të Shqipërisë në mbrojtje në dy ndeshjet kundër Lihtenshtejnit dhe Spanjës. Këtë pezmatim mbrojtësi i Torinos në Serinë A italiane e ka shprehur edhe në një status të pak minutave më parë në profilin e tij në fb, ku shkruan: “Është shumë e vështirë për mua që edhe kësaj radhe nuk munda të jem pjesë e kësaj loje dhe të mos jesh në gjende të ndihmoj vllezërve të mi. I uroj vllezërve të mi shumë sukses, edhe një herë në këto dy ndeshje dhe shpresoj ti ndihmoj në ndeshjen e ardhshme”. Arlind Ajeti I mungon fushës së lojës prej afro dy muajsh pas një dëmtimi të rëndë që pësoi në fazën përgatitore me Torinon, ndërkohë që pritet të jetë i gatshëmë në muajin e ardhshëm.
