Një mbrojtës me eksperiencë ndërkombëtare për të konsoliduar në mënyrë perfekte sezonin e ardhshëm në Seria A dhe për të synuar shpëtimin e qetë. Është pikërisht ky objektivi i menjëhershëm i Pescaras së Massimo Oddos, gati për të pritur përforcimet në kontigjent, të domosdoshëm për sezonin e ardhshëm. Pikërisht në këtë kuadër, sytë janë përqendruar te mbrojtësi i Kombëtares së Shqipërisë, Arlind Ajeti, i cili në Itali u bë i njohur sezonin e kaluar kur luajti gjysmën e dytë të sezonit me Frosinonen. 16 ndeshje dhe një gol në Seria A ishin të mjaftueshme për të siguruar një vend në kombëtaren e drejtuar nga Gianni De Biasi.
“Me të përfunduar eksperienca në Kampionatin Europian me Shqipërinë, ku shkëlqeu me performancën ndaj Francës dhe Rumanisë, Ajeti është tashmë i angazhuar me shqyrtimin e ofertave për sezonin e ardhshëm. Bologna e provoi, sikurse dhe Atalanta, por Pescara është në pole position. Në të vërtetë Ajeti dhe Pescara ndahen vetëm nga formaliteti i nënshkrimit të kontratës. Klubi nga Abruzzo ka ribërë ofertën duke rikonsideruar pjesën ekonomike, sikurse dhe kohëzgjatjen e kontratës. Në tavolinë është vendosur kontrata 4-vjeçare, me një klauzolë shitje në shumën 5 milionë euro, si dhe një klauzolë ekstra, në rast se Pescara zbret në Seria B. Gjithçka pritet të finalizohet brenda ditës së hënë”, raportojnë “tuttomercatoweb” dhe “Correre dello Sport”.
