“Air Albania Stadium” ka hapur dyert për tifozët në ndeshjen testuese mes skuadrave të femrave të Apolonisë dhe Vllaznisë.
Impianti i ri ka pritur sfidën e parë, në pritje të inagurimit zyrtar me ndeshjen kundër Francës për eliminatoret e Euro 2020 në program për t’u luajtur më 17 nëntor.
Takimi nisi në orën 19:00, ndërsa mësohet se me kërkesë të UEFA-s u shpërndanë 10 mijë bileta për tifozët, duke vendosur edhe një rekord për një ndeshje të futbollit të femrave.
Mësohet se të pranishëm përveç tifozëve dhe specialistëve të Federatës Shqiptare të Futbollit, kanë qenë edhe inspektorët e UEFA-s, që kanë testuar të gjitha sistemet./Opinion.al
