Ka mbajtur fjalën e tij në Samitin e Tretë të Diasporës në Tiranë, kreu i BDI, Ali Ahmeti.
Ai u shpreh se Europa nuk mund të jetë e qetë pa Shqipërinë, Maqedoninë, Kosovën, Malin e Zi.
Ndërsa një mesazh të drejtpërdrejtë e kishte edhe për kryeministrin Edi Rama.
“Dhe Europa nuk mund të jetë e qetë edhe pa Shqipërinë, Maqedoninë, Kosovën, Malin e Zi. Nuk mund të ketë paqe, stabilitet e siguri pa Ballkanin Perëndimor. Në fund të fundit, djepi i Europës është Mesdheu, prandaj ne vendin e kemi aty, por me përkushtim duhet punuar dhe asgjë e parealizueshme nuk mund të jetë. I dashur Edi, ne mendojmë që jemi një hap para anëtarësimit dhe pak duhet, edhe më fort ta ngresh zërin, ashtu siç e ke ngritur deri më tani. Ne të tjerët nuk na ke pasur, por na ke në krah”, tha Ahmeti./Opinion.al
