Ministri i Financave Arben Ahmetaj ka reaguar rrufeshëm pas akuzës së liderit demokrat Lulzim Basha se në aksidentin e Maqedonisë ministri ka qenë në makinë me biznesmenin që ka marrë koncensionet për inceneratorët.
“Nese Klodian Zoto ka qene ne makine me mua ne aksident (apo ndonjehere ne makine me mua), une jap doreheqjen. Nese jo, ti Luli e jep doreheqjen?”, shkruan Ahmetaj.
Nga studioja e News 24 Basha u shpreh: “Klodian Zoto, pronari i inceneratorëve ka qenë në makinë me Ahmetaj në aksidentin e Maqedonisë”.
Ministri u aksidentua në gusht të 2017-ës. Ai ishte pasagjer në automjetin Land Rover, dhe u aksidentua në rrugën Tabanoc-Kumanovë. Në aksident u përfshinë një autobus dhe dy vetura.
