Qeveri teknike dhe shtyrje zgjedhjesh nuk ka. Kështu deklaroi sot ministri Arben Ahmetaj nga foltorja e parlamentit, ku përballë mazhoranca ka vetëm Ben Blushin dhe Mimoza Hafizin. Në sallën e Parlamentit nuk mungon vetëm opozita por edhe deputetët e mazhorancës LSI dhe PDIU.
Ahmetaj e mori fjalën pas Ben blushi, të cilin e ironizoi: “Nuk më merr malli për Saliun se të kam ty në vend të tij”.
Më pas Ahmetaj doli në temë duke u shfaqur i prerë se zgjedhjet nuk do të shtyhen sipas tij, zgjedhjet mbahen më 18 Qershor edhe nëse nuk është vullneti i atyre në çadër apo i ndonjë tjetri në zyrë (nënkupto Meta).
Ahmetaj tha se opozita ka frikë të përballet sepse PS është alternativa më e mirë për shqiptarët.
