Gazetari Artan Hoxha ka folur lidhur me kërkesën e SPAK ndaj Kuvendit për arrestimin e ish-zëvendëskryeministrit Arben Ahmetaj.
Në emisionin “Opinion”, Hoxha tha se dyshohet se Ahmetaj është aksioner në një kompani ndërtimi që ka ndërtuar dhe pallate.
Këto pallate sipas tij, janë blerë nga Mirel Mërtiri dhe Klodian Zoto, të cilët janë dhe ndërtuesiti e inceneratorëve.
Gazetari thotë se ata kanë paguar për pallatet 490 mijë euro, të cilat kanë shkuar për llogari të kompanisë së ndërtimit dhe më pas te llogari e aksionarit.
“Në 6 episode në 4 episode janë kryesisht me blerje apartamentesh që janë në zonën e Selitës. Sipas organit të akuzës, dyshohet se Ahmetaj është aksioner në një kompani në një firmë ndërtimi dhe një pjesëtar i afërt i tij. Duke qenë aksioner ajo kompania ka ndërtuar pallate. Te ky pallat kanë ardhur dhe kanë blerë Mirel Mërtiri dhe Klodian Zoto. SPAK-u dyshon që i gjithë ky mekanizëm është përdour që të shkojnë 490 mijë Euro në adresë të ish-zv/Kryeministrit duke përdorur këtë mekanizëm. Tek kjo kompania është aksioner dhe një ish-deputet i PS. Janë blerë apartamente në një kompani ku rezulton që Ahmetaj është aksioner dhe paratë kanë shkuar në këtë formë. Ato para pasi janë derdhur për llogari të kompanisë kanë shkuar për llogari të aksionerit”, u shpreh Artan Hoxha../Opinion.al
