Aktori Agron Llakaj ka ndarë një lajm të trishtë për të, familjen e tij dhe gjithë dashamirësit.
Me anë të një postimi në rrjetet sociale ai ka njoftuar se bashkëshortja e tij Kostandina, është ndarë nga jeta, pas një sëmundjeje të rëndë nga e cila vuante prej disa kohësh.
Aktori gjithashtu ka dhënë dhe detaje mbi ceremoninë mortore.
“Pas nje beteje te gjatë me nje sëmundje të rëndë…Gjysma ime më e mirë iku sot drejt Parajsës.
Me dhimbje të thellë ju njoftoj për ndarjen nga jeta të bashkëshortes time Kostandina,mami i Alkidës dhe Enos, “Nina bukuroshe” e Adeas, nëna e Teos dhe Brus.
Homazhet do të zhvillohen nesër në ‘Home Funeral Parajsa” (Ish-NShRAK-Tiranë).
Ceremonia e varrimit në orën 15:00 në Varrezat e Sharrës”, shkruan aktori.
