Agron Duka, kryetari i Partisë Agrare Ambientaliste është i gatshëm te kandidojë përballë socialisteve për Bashkinë e Durrësit, por gjithmonë nëse arrihet një marrëveshje mes mazhorancës dhe opozitës.
Duka ripërsëriti se zgjedhjet e lira dhe të ndershme mund të bëhen vetëm me një qeveri tranzitore dhe pa Edi Ramën kryeministër, e për te cilat, ai thotë se opozita po përgatitet.
Lidhur me krizën ne vend, kryetari i Partisë Agrare shprehet se padyshim qe zgjidhja e saj do duhet të vij nga vetë partitë politike, por ku nuk mund të mungojë dhe ndërhyrja e ndërkombëtareve.
Partia Socialiste ende nuk e ka zyrtarizuar kandidatin për Durrësin, ndërsa gjatë ditës së premte në takimin “Bashkia që Duam”, Rama i mbylli rrugën Vangjush Dakon, për të cilin tha se pavarësisht akuzave të bëra nga opozita, ka bërë një punë të mirë. /Opinion.al
