28-vjeçarja që vrau tre fëmijë dhe tre të rritur në një shkollë të klasës së krishterë në SHBA ishte nën kujdesin e mjekëve pasi kohët e fundit ishte diagnostikuar me çrregullim emocional.
Prindërit e sulmueses, të identifikuar si Audrey Hale, i thanë policisë se Hale ishte nën kujdesin e mjekëve për një çrregullim emocional që kishte pasur kohët e fundit. Ndërkohë ata bëjnë me dije se e dinin që Hale kishte blerë ligjërisht 7 armë, tre nga të cilat u përdorën në sulmin e së hënës.
Ngjarja e cila ndodhur ditën e hënë në mëngjes, në një shkollë në SHBA ka lënë të vdekur 6 persona.
Viktimat e të shtënave përfshinin tre studentë 9-vjeçarë: Evelyn Dieckhaus, William Kinney dhe Hallie Scruggs, vajza e pastorit kryesor të kishës Chad Scruggs. Gjithashtu u vranë Cynthia Peak, 61 vjeç, një mësuese zëvendësuese; Katherine Koonce, drejtuesja 60-vjeçare e shkollës; dhe Mike Hill, një kujdestar 61-vjeçar, tha policia.
Bëhet me dije nga Policia se ngjarja ka ndodhur për një periudhë kohore prej rreth 14 minutash, që nga momenti kur policia mori thirrjen e parë rreth orës 10:13 e deri në kohën kur oficerët mbërritën në shkollë.
Policia ka thënë se sulmi ishte i planifikuar paraprakisht, duke zbuluar se Hale kishte harta të detajuara të shkollës, si dhe shkrime në lidhje me të shtënat.
“Kjo shkollë, kjo ndërtesë e kishës ishte objektivi i sulmuesit, por ne nuk kemi asnjë informacion për momentin që të tregojë se sulmuesi kishte në shënjestër në mënyrë specifike ndonjë nga gjashtë individët që u vranë”, tha të martën zëdhënësi i policisë, si dhe bën me dije se sulmuesja u vra nga oficerët gjatë sulmit.
Si një shkollë private e operuar nga një kishë, nuk kishte asnjë punonjë sigurie të caktuar nga qyteti për të ruajtur shkollën, sipas Aaron.
Qyteti i Nashville po planifikon një vigjilje të mërkurën mbrëma për të mbajtur zi për ata që humbën jetën nga të shtënat masive në shkollën fillore./Opinion.al
