Pas zbulimit të kartës së tij të identifikimit në Shërbimin Shtetëror të Sigurisë, disa dokumente të publikuara së fundmi nxjerrin në dritë detaje të reja për të kaluarën e presidentit rus, Vladimir Putin.
Në një ekspozitë të dokumenteve të deklasifikuara sovjetike në Arkivin Qendror të Shtetit në Shën Petersburg u prezantua një profil me gjashtë paragrafe për presidentin rus, Vladimir Putin.
TASS, agjencia shtetërore e lajmeve ruse sqaroi se ekspozita i kushtohet personaliteteve të viteve 90 dhe arritjeve të tyre në politikë, ushtri, shkencë, kulturë dhe arte.
“Shoku Putin në mënyrë konstante ka përmirësuar standardet e tij politike dhe ideologjike. Ai është i angazhuar në mënyrë aktive në rrjetin e arsimimit partiak. Ai, gjithashtu, në mënyrë konstante ka përmirësuar dhe aftësitë e tij profesionale.” shkruhet në profil.
Në ekspozitë gjithashtu janë shfaqur dhe formularët e plotësuara nga presidenti Putin, kur ishte një anëtar i Bashkimit të të Rinjve të Ligës Komuniste.
Kujtojmë se Vladimir Putin u bë presidenti i Rusisë në vitin 2000, pasi kishte drejtuar më parë Shërbimin Sekret të Federatës Ruse, paraardhësja e KGB-së sovjetike. Ai shërbeu në agjencisë ruse të spiunazhit për 16 vjet nga 1974 në 1991, pasi u diplomua në shkollën e KGB në Moskë. Putin arriti deri në gradën ushtarake të lejtnan kolonel, përpara se të dorëhiqej në vitin 1991 për t’i hyrë rrugës së politikës./Opinion.al
