Ish-kryebashkiaku i Vorës, Agim Kajmaku ka kërkuar përjashtim të gjyqtares së çështjes, Shefkie Demiraj.
Këtë kërkesë, Isuf Shehu, avokati i Kajmakut, e argumentoi se ka indicie që Demiraj është në proces Vettingu, proces ky që kryesohet nga Pamela Qirko (Balluku) motra e ministres Belinda Balluku.
Njëkohësisht, Kajmaku kërkon pezullim të gjykimit deri në shqyrtimin e kërkesës. Këtë të mërkurë, Gjykata e Tiranës zhvilloi seancën e parë ndaj ish-kreut të Bashkisë së Vorës, i cili u përfaqësua nga avokati, pasi vijon të jetë në arrati./ Opinion.al
