Aftësia e Mançinit, ja sa më shtrenjtë kushton Rey Manaj sot

“La Gazzetta dello Sport” prek një tjetër aspekt shumë të rëndësishëm që ka të bëjë me 51­ vjeçarin e Interit. E përditshmja në fjalë nënvizon impaktin që ka pasur ai te formimi dhe rritja e disa lojtarëve, të cilët falë tij vlejnë edhe më shumë në merkato.

Lista e lojtarëve që janë përmirësuar shumë në fushë (fakt ky që shoqërohet edhe me rritjen e zerove në koston e kartonit në merkato) nën drejtimin e Manços është e gjatë. Ai që është përmirësuar më shumë është Brozoviç, i cili u ble për 8 milionë euro dhe tani vlerësohet 24.

Rritje të ndjeshme ka pësuar edhe vlera e kartonit të Ikardit, i cili u ble për 13 milionë euro, ndërkohë që tani largohet për më pak se 40.

Grupit të lojtarëve që mund të bëjnë të pasur Interin i është shtuar edhe Perisiç. Kroati u kushtoi zikaltërve 16 milionë euro, por tani nuk largohet për më pak se 30 milionë euro.

Listës së famshme i janë shtuar edhe Miranda (u ble 15 mln euro vlen 18), Murijo (u ble 8 mln euro vlen 18), Handanoviç (u ble 12 mln euro vlen 15), Medel (u ble 8 mln euro vlen 10), Zhezus (u ble 3 mln euro vlen 6), Biabiani (u mor falas vlen 5), D’Ambrozio (u ble 4 mln euro vlen 5), Gnukuri (u ble 0.2 mln euro vlen 2) dhe Manaj (u ble 0.5 mln euro vlen 2).

Udhëzimet e Mançinit nuk kanë qenë frytdhënëse për disa lojtarë të tjerë, të cilët janë “zhvlerësuar” gjatë muajve të fundit. Kondogbia u ble për 31 milionë euro, por tani vlen vetëm 25. Ndërkohë që në këtë listë ndodhen edhe Eder (u ble për 12 milionë euro, shitet për 10) e Jovetiç (u ble për 17 milionë euro, shitet për 10).

Çmimi nw milion euro, sa ishte dhe sa wshtw

Ikardi 13­40

Perisic 16­30

Brozovic 8­24

Miranda 15­18

Murijo 8­18

Handanovic 12­15

Medel 8­10

Zhesus 3­6

Biabiani 0­5

D’Ambrozio 4­5

Gnukuri 0,2­2

Manaj 0,5­2

Kondogbia 31­25

Eder 12­10

Jovetic 17­10

Ljajic 11­10

Nagatomo 6,5­5

Tejes 8,5­5

Palasio 11­3

Santon 4,5­3

Melo 3,7­2,5