Presidenti afgan, Ashraf Ghani deklaroi se Afganistani do të lirojë tre të burgosur talibanë, në këmbim të dy pengjeve të mbajtura nga ky grup.
“Për të hapur rrugën për bisedime ballë për ballë me talibanët, qeveria ka vendosur të lirojë tre të burgosur talibanë, në këmbim të dy profesorëve universitarë”, tha Ghani në një fjalim televiziv.
Pengjet e përfshira në këmbim janë shtetasi amerikan, Kevin King, dhe australiani Timothy Weeks. Ata kanë qenë lektorë në Universitetin Amerikan të Afganistanit në Kabul kur janë rrëmbyer në vitin 2016. Gjendja e tyre mbetet e paqartë, por në fjalimin e tij, Ghani tha se “shëndeti i pengjeve është përkeqësuar”.
Ndërkaq besohet se shkëmbimi mund të sjellë përparim në bisedimet për paqe në Afganistan./Opinion.al
