Talibanët kanë sulmuar zyrat qendrore të policisë në provincën lindore të Afganistanit, Paktia, duke vrarë pesë policë dhe plagosur 25 persona, raportojnë mediat ndërkombëtare.
Sulmi filloi me një kamikaz i cili e detonoi makinën e tij të mbushur me eksplozivë në hyrje të objektit qendror të policisë në qytetin Gardez, kryeqytetin e provincës Paktia, ka thënë Najib Danish, zëdhënësi i Ministrisë së Brendshme të Afganistanit.
Kamikazi ka hapur rrugë për kryengritësit tjerë që të futen në territorin e zyrave qendrore.
Dy oficerë u vranë dhe pesë tjerë u plagosën, Reuters e ka cituar Danishin të ketë thënë. Ndërsa sipas spitaleve lokale pesë policë janë vrarë dhe të paktën 30 të tjerë janë plagosur, përfshirë 20 civilë.
