Ambasada e Shteteve të Bashkuara të Amerikës në Afganistan ka paralajmëruar shtetasit amerikanë që të shmangnin udhëtimin në aeroportin e Kabulit të Shtunën pasi mijëra persona janë mbledhur dhe përpiqen të largohen nga vendi pothuajse një javë pasi militantët islamikë morën kontrollin.
“Për shkak të kërcënimeve të mundshme që shfaqen jashtë portave në aeroportin e Kabulit, ne i këshillojmë qytetarët amerikanë që të shmangin udhëtimet në aeroport dhe të shmangin portat e aeroportit në këtë kohë, përveç faktit nëse ata marrin udhëzime individuale nga një përfaqësues i qeverisë amerikane për ta bërë këtë”, thuhet në njoftimin e ambasadës.
Ky njoftim vjen pas mbërritjes në qytet të themeluesit dhe drejtuesit të talebanëve, Mullah Baradar, i cili u nis nga Kandahari drejt Kabulit me qëllimin për të marrë pjesë në bisedimet e planifikuara me udhëheqës të tjerë afganë për të formuar një qeveri të re./Opinion.al
