Afera CEZ, Basha vs Gjiknuri, kush gënjen për Bankën Botërore?

Kryetari i Partisë Demokratike Lulzim Basha tha mbrëmë në “Opinion” se Banka Botërore dhe FMN, ndryshe nga ç’thotë qeveria, nuk janë pyetur në lidhje me marrëveshjen e prishjes së kontratës me CEZ.  “Fevziu: Thoni që Rama ka vjedhur, ku e mbështesni faktin që ka vjedhur  në mbylljen e aferës në marrëveshjen me CEZ, sepse është negociuar në institucionet ndërkombëtare dhe ju e dini shumë mirë? “Basha: Kjo është një gënjeshtër tjetër. Janë përdorur zyrat e Komunitetit të Energjisë në Vienë, por nuk ka qenë një ndërmjetësim i Komunitetit të Energjisë”. Insistimit të gazetarit Fevziu nëse ka qenë ka qenë Banka Botërore dhe FMN në negociata, Basha i është përgjigjur “Jo, nuk ka qenë asnjëri prej tyre” “Basha: Financial Times i avokatëve të arbitrazhit në botë. Intervistë e avokatit të qeverisë shqiptare Gharabi. Cfarë thotë? As ne, as ndonjë fije tjetër ndërkombëtare, nuk ka pasur asnjë përfshirje të drejtpërdrejtë apo indirekte në negociatat, për  termat financiare të marrëveshjes. Avokatët u përjashtuan nga procesi dhe ju kërkuan vetëm që të ngjisin bashkë pjesët e marrëvëshjes për ta finalizuar si dokument”, tha Basha duke mohuar përfshirjen në negociata të Bankës Botërore dhe Fondit Monetar Ndërkombëtar.” Gjë që është hedhur poshtë nga Ministri i Energjitikës Damian Gjiknuri  i cili në një prononcim për Opinion. al është shprehur se Basha gënjen, pasi sipas tij qoftë Banka Botërore ashtu dhe Fondi Monetar Ndërkombëtar kanë qenë pjesë e negociatave për termat financiarë në marrëveshjen me CEZ.