Gjykata Administrative ka shtyrë me 5 ditë vendimin lidhur me çështjen e lirimit të zyrave të FRD. Në një dalje për mediat, kryetari i FRD-së, Sali Shehu është shprehur se për këtë çështje do të ndiqen rrugët ligjore. Po ashtu, Shehu deklaroi se partia që ai drejton do të vijojë fushatën në selinë e saj, teksa shtoi se do të nisin zyrtarisht shkresat bashkisë që çështja është në gjyq.
“Çështja është në Gjykatën e Shkallës së Parë. U shty sot dhe do të shqyrtohet brenda 5 ditëve. Presim vendimin e gjykatës. Ligji na garanton të drejtën, partitë politike që kanë mbi 1% të votave në dy zgjedhjet e fundit kanë të drejtën të kenë një seli. Kontrata që lidhet me këto parti për kohë qëndrimi në seli është pa afat. Çdo qytetar garancinë te ligji e ka. Ne do t’u nisim zyrtarisht shkresat zyrtare ligjore Bashkisë dhe çdo institucioni se çështja është në gjyq, nuk ka një vendim të formës së prerë. Bashkia është në dijeni që ne jemi në gjyq. Ne do vazhdojmë fushatën si çdo ditë”, tha kryetari i FRD Sali Shehu.
Sipas shkresës së Bashkisë Tiranë dërguar disa ditë më parë, sot është afati i fundit që FRD të lirojë ambientet./Opinion.al
