Kryeministri Rama ishte sot në Kukës nga ku prezantoi platformën, “Deputeti që duam”. Por kryeministri kërkoi të përçonte një mesazh edhe me vendin ku u organizua mbledhja e socialistëve, pikërisht në kantierin ku pritet të ndërtohet aeroporti i Kukësi.
Ai ka qenë një nga premtimet e kryeministrit gjatë këtyre 7 viteve qeverisje, por Partia Demokratike e akuzon për propagandë.
Nënkryetari i PD-së Edmond Spaho, përmes një videoje të shpërndarë në “Facebook” ka publikuar pamje të kantierit ku sipas tij sapo ka ikur Rama puna ka ndaluar.
Spaho shprehet se në këtë vend nuk ka asnjë njeri që punon, duke thënë se Edi Rama gënjen e mashtron qytetarët.
Postimi i nënkryetarit të PD-së Edmond Spaho:
Edi Rama e bën gjithçka për propagandë dhe për të mashtruar njerëzit. Pas përrallave të dala boje me mijëra vende pune sot në Kukës, në vendin ku duhet të ishte ngritur aeroporti, askush nuk punon.
Makineritë kanë ndaluar punën, sapo ka ikur mjeshtri i mashtrimeve. Edi Rama nuk di të punojë. Ai di vetëm të vjedhë dhe të mashtrojë!
