Të paktën 50 persona humbën jetën dhe dhjetëra u plagosën, pasi një aeroplan ushtarak u rrëzua në Filipine.
Bëhet fjalë për aeroplanin Lockheed C-130 i cili po transportonte 96 vetë – shumica e tyre ushtarë – kur rrëshqiti nga pista, teksa po ateronte në aeroportin Jolo të provincës Sulu, të dielën.
Ushtarët ishin në mesin e përforcimeve të dërguara për të luftuar militantët islamikë. Nga Ministria e Mbrojtjes e Filipineve është konfirmuar se viktimat përfshijnë kryesisht anëtarë të personelit ushtarak, por edhe tre civilë që ishin në tokë. Një zëdhënës i forcave të armatosura të Filipineve tha se autoritetet janë duke kërkuar regjistruesin e të dhënave të fluturimit, për të zbuluar shkakun e incidentit.
Gjenerali Edgard Arevalo është shprehur se nuk ka shenja për ndonjë sulm kundër aeroplanit. Aeroplani, i cili më herët ishte në shërbim me forcën ajrore amerikane, u është dorëzuar Filipineve në muajin janar./Opinion.al
