Një adoleshente britanike luftoi me jetën pasi i dashuri i saj fanatik e rrahu dhe u përpoq ta mbyste me duar.
19 vjeçarja Courtney Grice ishte e mbuluar me të nxira kudo në trup dhe me ligamente të dëmtuara në momentin që mbërriti në spital. Ajo tha se i dashuri i saj e kapi nga fyti dhe e ngjeshi pas frigoriferit deri sa nuk mundi të merrte më frymë. Më pas i dashuri Harry Akester i gjuajti me grushta në fytyrë.
Grice kujton se si ajo përpiqej ta mbulonte fytyrën me duar por i dashuri i saj e ngriti lart nga flokët dhe e hodhi pranë derës.
Megjithatë 19 vjeçarja e falenderon tashmë ish të dashurin e saj për aktin e dhunshëm që kreu, sepse kjo ngjarje e bëri “më të fortë”.
“Po mundohesha t’ja ngulja thonjtë në fyt dhe të gërvishtja lëkurën e tij që ta largoja prej vetes. Ai filloi t’më gjuante dhe unë u përpoqa të dilja nga shtëpia. Po e shtyja me këmbë por i më gjuajti me grusht në fytyrë. Mbulova fytyrën me duar që ta mbroja por ai më kapi nga flokët me të dyja durt e më ngriti në ajër. Nuk kish më energji të luftoja, e pikërisht aty filloi të më mbyste me duar. Në atë moment u dorëzova dhe mendova me vetë “bëj ç’ke për të bërë se u lodha,”” tha Courtney në deklaratën e saj.
Megjithatë 19 vjeçarja kujton se arriti ta shkelmonte mes këmbëve, e në atë moment ajo pati shancin të largohej nga apartamenti e të telefononte policinë.
Courtney Grice tha se ata ishin shumë të dashurur me njëri tjetrin, por kur ajo filloi të punonte në një bar ai u bë xheloz dhe shumë posesiv./Opinion.al
