Gaylord, një adoleshent nga Missouri, SHBA, ka ngritur padi ndaj prindërve të tij për shkak se i kanë shkaktuar ankth, vuajtje, dhe persekutim të vazhdueshëm me emrin që i kanë vendosur.
“Më shkatërruan jetën me emrin që më vendosën. Zoti i homoseksualëve, çfarë emri është ky? Cili prind e bën këtë” tha djali gjatë ngritjes së padisë.
Dave dhe Carol Williams, prindërit e 17-vjeçarit, akuzohen për vendosjen e një emri të dalë mode, me kuptim negativ e racist, duke e vënë djalin e tyre pre të bulizmit.
Adoleshenti deklaroi se ai ka ardhur në jetë në një moment të padëshiruar për prindërit e tij, dhe se i ati në gjendje të dehur i kishte pohuar se ia kishin vënë atë emër për t’i shkatërruar jetën, siç ua kishte shkatërruar ai me ardhjen e tij në jetë.
Ai shtoi se është përpjekur disa herë të ndryshojë emrin disa herë në të kaluarën dhe ka kërkuar lejen e prindërve, por ata ia kanë refuzuar gjithmonë. Ndaj vendosi të ngrinte padi me qëllim marrjen e kompensimit financiar për vuajtjet që ata i kanë shkaktuar me vetëdije, duke kërkuar 250 mijë dollarë dëmshpërblim.
Prindërit i mohuan akuzat dhe thanë se e quajtën Gaylord thjesht sepse iu pëlqente ai emër. Sipas të dhënave zyrtare, kjo është hera e parë që prindër amerikanë paditen për shkak të emrit që i kanë vënë fëmijës./E.M
