Trafiku i drogës mesa duket ka përfshirë edhe adoleshentët shqiptarë dhe të huaj.
Një rast i tillë ka ndodhur sot në Janinë, teksa policia greke ka sekuestruar 130 kg kanabis sativa që transportohej nga dy shqiptarë 17 dhe 22 vjeç si dhe dy grekë, një djalë 20 vjeç dhe një vajzë 17-vjeçare.
Katër adoleshentët po përdornin një makinë të vjedhur për të transportuar lëndë narkotike, që kishte kaluar nga Shqipëria përmes kufirit të gjelbër nga dy shqiptarët dhe në anën tjetër të kufirit prisnin dy grekët.
Ata u diktuan pasi autoritetet doganore vunë re lëvizje të dyshimta dhe ndaluan mjetin, ku dhe gjetën drogën të ndarë në disa qese.
