Kur dëgjojmë sesa ka avancuar inteligjenca artificiale ndonjëherë frikësohemi. Por kur nuk kemi kohë të mendojmë kaq gjatë, e shijojmë atë. Për të gjithë ata që e kalojnë kohën duke edituar fotografi, Inteligjenca Artificiale do të bëhet një ëndërr e kthyer realitet.
Të martën Adobe lajmëroi lançimin e Photoshop 19.1, versionin e fundit të editimit të fotove dhe krijimit të grafikave. Ky përditësim përfshin një sërë opsionesh të reja, pjesa më e madhe e të cilave e bën më të thjeshtë selektimin, lëvizjen, editimin dhe komanda të tjera.
Ajo që bie më shumë në sy është opsioni “Select Subject” e cila është e mundësuar nga Adobe Sensei, – inteligjenca artificiale e Adobe. Ky mjet gjen subjektin që spikat më shumë në foto dhe ju lejon ta selektoni e ta punoni vetëm me një klikim.
Më parë përdoreshin komandat Selektim i Shpejtë apo Shkopi Magjik të cilat nuk funksiononin edhe aq mirë dhe konsumonte shumë kohë. Këto komanda ishin të vështira sidomos kur punohej rreth gishtave apo flokëve.
Për ta përdorur mjetin e ri, klikojmë Select > Subject ndërkohë që po editojmë foton. Gjithashtu shfaqet në shiritin e opsioneve ndërsa përdoren Selektimi i Shpejtë dhe Shkopi Magik./ Përgatiti: Elena Lika
