Këngëtarja Adelina Tahiri është kthyer në një nga personazhet me të komentuar të shypit rozë.
Është përfolur shumë martesa e këngëtares me biznesmenin maqedonas Serjoza Markov, për shkak të moshës së këtij të fundit.
Adelina është shumë vite më e vogël se biznesmeni dhe për këtë arsye është kritikuar shumë nga fansat, të cilët i thoshin se ai ka moshën e babait të saj.
Mirëpo këngëtarja e cila ka sjellë në jetë edhe një djalë së fundmi, ka treguar se është shumë e dashuruar me bashkëshortin e saj dhe dikur ka menduar se do t’i duhej të zgjidhte mes tij dhe familjes së saj, pasi ata nuk do ta pranonin kurrë.
Kujtojmë se Markov ka qenë i martuar dhe më herët ndërsa është edhe baba i një vajze 19-vjeçare.
“Kur burri më propozoi i thashë se më duhet të zgjedh mes teje dhe babait e vëllait sepse nuk mendoja se familja ime do e pranonte. Burrin më tha se kur familja ta shohë që je e lumtur do e pranojë. Ai më dha vullnet dhe dashuria e madhe që kisha më bëri të përballoj çdo gjë. Babi çonte njerëz të më shihnim ku jam, me kë jam sepse kishte dyshuar. I tregova që jam me një njeri që nuk i përket fesë time, nuk i takon kombit tim, por i takon zemrës sime. I thashë dua të kem përkrahjen tënde. Babai më tha jam me ty deri në vdekje. Kur vendosi babi të takohej me burrin, burri e mori në telefon dhe i tha të takohen. I shkruajta personit të sigurimit dhe i thashë të më informonte çfarë do ndodhte. Isha në stresin më të madh të jetës. Personi i sigurimit më shkruante se babi dhe burri po qanin. U habita, ata nga emocionet kishin filluar të qanin. Tani burri dhe babi shkojnë çdo fundjavë për peshkim se e kanë hobi dhe shkojnë aq mirë bashkë”, tha Adelina, për ‘Prive’.
