Adelina Ismaili dje duhej të dëshmonte në gjyqin që po mbahet ndaj Enver Sekiraqës për vrasjen e efektivit Triumf Riza në vitin 2007, ish-i fejuari i këngëtares shqiptare. Por ajo ka humbur gjurmët dhe gjykata nuk ka informacion mbi adresën e shtëpisë së saj, ose kontakte të tjera me të.
“Prive”shkruan se Gjykata i ka dërguar ftesë këngëtares për të marrë pjesë në gjyq, por posta nuk e ka shpërndarë pasi dëshmitarja nuk ka një adresë të re dhe numrat e vjetër telefonit nuk janë të vlefshëm. Në mungesë të saj në gjyq, prokurori shtroi kërkesën që deklaratat e dhëna më parë nga Adelina, të rilexohen. Pjesë e këtij procesi gjyqësor janë edhe dy motrat e Adelinës, Ema Ismiali dhe Zanfina Ismaili.
Enver Sekiraqa po gjykohet për nxitjen e vrasjes së policit nga Njësia Speciale e Policisë së Kosovës, Triumf Riza . Sekiraqa u dënuar me 27 vite burgim në vitin 2016 por ka kërkuar apelim të vendimit. Prej vitesh përflitet se përkeqësimi i marrëdhënies së Sekiraqës me Triumf Rizën, kishte si burim pikërisht këngëtaren, e cila në atë kohë kishte konfirmuar lidhjen e saj me ish-policin.
Adelina Ismaili i ka kushtuar një këngë Trium Rizës, të titulluar “Trimit tim”, me një tekst mjaft prekës ku shpreh dhimbjen dhe mallin për të./E.M
