Ylli i muzikës POP, Adele ka bërë një vizitë të papritur tek disa prej zjarrfikësve që u përballën me flakët që përfshinë kullën 24-katëshe “Grenfell Tower” në perëndim të Londrës javën e kaluar.
Prezenca e papritur e saj u vu re nga zjarrfikësi, Rob Petty në stacionin e zjarrit të Chelsea.
Petty e ka postuar në facebook vizitën e saj.
Menaxher i stacionit Ben King tha: “Ajo erdhi në stacionin e zjarrëfikësve, trokiti në dritare dhe tha se ka disa ëmbëlsira për ne.
“Kështu që i hapëm derën asaj dhe pastaj ajo hoqi syzet e diellit dhe tha: ‘Çkemi, unë jam Adele’. Të gjithë u habitëm shumë. Më pas ne mbajtëm 1 minutë heshtje. Zjarrfikësit shprehen se kanë pasur mbështetje të madhe nga emra të njohur gjatë këtyre ditëve./Opinion.al
