Një grip, ditën e djeshme, e mbajti këngëtaren e njohur larg skenës në Phoenix. Ajo u detyrua të anulonte koncertin e saj të dytë dhe për këtë, përmes një videoje, u ka kërkuar ndjësë të gjithë fansave të saj.
Totalisht e pagrimuar, nga shtrati dhe me lot në sy, Adele u kërkoi falje disa herë të gjithë atyre që mezi prisnin ta shikonin atë teksa performonte. “Siç mund ta dëgjoni dhe vetë, edhe nëse do e kisha bërë koncertin, nuk do të ishte shumë i suksesshëm. Më vjen vërtet shumë keq për këtë. E kam shijuar kaq shumë këtë tur dhe anulimi është diçka që nuk dua të bëj”, thotë ajo, teksa përmban veten për të mos qarë.
