Deputetët Flutura Açka dhe Arbi Agalliu, pas përfundimit të mbledhjes së grupit të Partisë Demokratike, kanë deklaruar për mediat se do të mbështesin vetëm kandidatët që do të garojnë me siglën dhe me logon e Partisë Demokratike.
Ata rikonfirmuan edhe njëherë qëndrimet që kanë shprehur edhe gjatë mbledhjeve të zhvilluara në selinë e re të PD-së që drejtohet nga Enkelejd Alibeaj.
‘Do mbështes kandidatët që janë nën logon e PD-së. Në pjesën më të logjikshme të kësaj situate do duhet të japim një lloj shembulli për të mos e ndarë me tej elektoratin djathtë. Çdo përpjekje do të përqendrohet kundër kësaj qeveria. Kandidati i Vlorës është i lirë të mbajë qëndrimet e tij dhe shpresoj të votojnë atë parti nga e cila kanë dalë’– tha Agalliu.
Në këtë mbledhje u diskutua rreth mënyrës së organizimit dhe shpërndarjes së deputetëve të Partisë Demokratike për zgjedhjet e 14 majit./Opinion.al
