Arrestohet një 25-vjeçar i cili akuzohet për abuzim seksual me një të mitur.
Policia bën me dije se ai dyshohet se në mënyrë të përsëritur ka kryer marrëdhënie seksuale me dhunë ndaj një shtetase të mitur 14-vjeçare.
Materialet ndaj shtetasit me iniciale Xh.M i kaluan Prokurorisë së Rrethit Gjyqësor Tiranë, për veprime të mëtejshme.
Policia e Tiranës vuri gjithashtu në pranga edhe 7 shtetas të tjerë, për vepra të ndryshme penale. Një 43 vjeçareje iu gjet kanabis nga specialistët për Hetimin e Krimit në Komisariatin e Policisë Nr.2.
Specialistët për Hetimin e Krimit në Komisariatin e Policisë Nr.4, bënë arrestimim në flagrancë të shtetasit G.M., 25 vjeç, pasi nuk i është bindur urdhërit të punonjësit të policisë për shkak të detyrës.
Nga specialistët për Hetimin e Krimit në Komisariatin e Policisë Nr.6, u bë arrestimi në flagrancë i shtetasit F.Xh, 21 vjeç, pasi në Vaqarr, për motive të dobëta ka goditur me thikë shtetasin A.T., 27 vjeç.
Specialistët e Qarkullimit Rrugor bënë arrestimin në flagrancë të shtetasve :
E.K., 38 vjeç, H.Z., 26 vjeç, L.T., 33 vjeç dhe A.R., 53 vjeç, pasi u kapën në flagrancë duke drejtuar mjetet përkatese në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
