Kryetari i PD, Sali Berisha ka vijuar akuzat për korrupsion ndaj kryeministrit Edi Rama.
Nga Cërriku, ku prezantoi kandidatin për kryetar të koalicionit “Bashkë Fitojmë” për këtë bashki, Servet Luzhën, Berisha tha se familjarë e Ramës kanë marrë tendera nga qeveria.
Kryedemorkati tha se gjatë qeverisjes së socislitësve, qytetarët janë varfëruar edhe më shumë për shkak të pagave të ulëta dhe mungesës së investimeve.
“Baxhanaku i tij ka fituar qindra tendera, ndërkohë që ligji e përjashton atë nga tenderat. Në asnjë tender publik nuk mund të marrë pjesë asnjë familjar i kryeministrit. Kjo nuk ndodh në një vend demokratik, sepse ai përdor fuqinë e mikut të tij kryeministër për të fituar padrejtësisht. Baxhanaku i tij fiton dhjetëra tendera. Thjeshtra e tij dhe e di që e ëma revoltohet kur ja përmed, i them zonjës së tij hiqe të mos marrë pjesë në tendera. Nuk i takon thjeshtrës së kryeministrit të marrë pjesë në tendera. Por këta nuk njohin asnjë kod dhe limit dhe kjo bën që të ketë një shpërdorim të papërmbajtur të fondeve publike. Ne po zhytemi çdo ditë e më shumë në skamje dhe varfëri. Unë deklaroj këtu se ç’do qytetar nëse ndihet më mirë se 8 vite më parë, të mos votojë ndryshimin, të votojë vazhdueshmërinë”,-tha Berisha./Opinion.al
