Gjykata e Posaçme kundër krimit të Organizuar dhe Korrupsionit ka dhënë masën e sigurisë “arrest me burg” për ish-drejtorin e RTSH, Thoma Gëllçi.
Të njëjtin vendim togat e zeza kanë dhënë edhe për tre ish-vartësit e tij, anëtarë të komisionit të ofertave Ervin Muraj, Julian Tapia, Alban Malaveci të akuzuar për abuzim me tenderat.
Sipas SPAK, Thoma Gëllçi në kohën kur drejtonte RTSH , ka shpallur procedurën e tenderit përpara se të merrte miratimin nga AMA për hapjen e kanalit TVSH AGRO. Tenderi është zhvilluar në 2018, dhe procedura është shpallur 3 vite përpara se TVSH Agro të fillonte trasmetimin.
Po ashtu, KLSH ka konstatuar sipas SPAK se oferta e dhënë nga kompania e shpallur fituese nuk përmbushte kriteret dhe duhej skualifikuar që në fillim, por në vend të këtij vendimi, Gëllçi dhe tre anëtarët e KVO-së e kanë shpallur tenderin të rregullt.
Në tenderin për blerjen e pajisjeve si kamera etj, kanë qenë dy kompani EURO contact dhe TBS 96. Anëtarët e KVO kanë shpallur fitues kompaninë me ofertën 20 mln lekë më të lartë./Opinion.al
