Abuzimi me tenderin për mirëmbajtjen e rrugëve në Durrës ka çuar në arrestimin e 2 inxhinierëve të Autoritetit Rrugor Shqiptar të Durrësit.
Sipas informacioneve zyrtare nga policia, në kuadër të operacionit “Bye Pass”, janë arrestuar dy inxhinierë të ARRSH Durrës, të moshave 50 dhe 56 vjeç , për veprën penale “Shpërdorimi i detyrës”, si dhë është lënë në arrest shtëpie një tjetër inxhinier 63-vjeçar për veprat penale “Shpërdorimi i detyrës” dhe “Falsifikimi i dokumenteve”.
Në vijim të operacionit u bë shpallja në kërkim e 6 shtetasve
A. B., 48 vjeçe, Dh. L., 55 vjeçe, A. Z., 56 vjeç dhe S. T., 47 vjeç, banues në Tiranë, me detyrë inxhinier pranë ARRSH Durrës, pasi Gjykata e Shkallës së Parë Durrës iu ka caktuar masat e sigurisë “Arrest në burg”, për veprën penale “Shpërdorimi i detyrës”.
Xh. V., 62 vjeç, banues në Shkodër, me detyrë ndërtues, pasi Gjykata e Shkallës së Parë Durrës i ka caktuar masën e sigurisë “Arrest në burg”, për veprën penale “Dhënia e ndihmës për ndërtim të paligjshëm” kryer në bashkëpunim.
R. A., 36 vjeç, banues në Tiranë, me detyrë ndërtues, për veprën penale “Dhënia e ndihmës për ndërtim të paligjshëm” kryer në bashkëpunim.
Organi i akuzës në Durrës ka nisur hetimet për disa tendera të mirëmbajtes së rrugëve. Sipas hetimeve të prokurorisë , dyshohet se nga abuzimi me këto tendera është shkaktuar një dëm financiar mbi 200 milionë lekë të vjetra./ Opinion.al
