Gjykata e Apelit ka nxjerrë nga qelia, Sekretarin e Përgjithshëm të Ministrisë së Financave, Arlind Gjokutaj, Fatmir Hoxhën dhe përmbaruesin Alban Ruli të arrestuar pak kohë më parë me akuzën e shpërdorimit të detyrës.
Prokuroria kërkoi në Gjykatën e Apelit të Juridiksionit të Përgjithshëm arrest shtëpie ndaj tyre, vendim që u pranua nga gjykata.
Kujtojmë se Gjokutaj së bashku me përmbaruesin Alban Ruli dhe drejtorin Juridik të Ministrisë së Financave Fatmir Hoxhaj kanë firmosur shkresa për t’i kaluar 1.2 milionë euro shtetasit Ilir Thana, i cili është trajtuar si ish-pronar për privatizimin e një objekti magazinë në vitin 1992, edhe pse nuk e gëzonte titullin. Thana kishte marrë fillimisht një shumë prej 400 mijë eurosh ndërkohë që pjesa tjetër pritej t’i transferohej në muajt në vazhdim.
