Lidhur me apartamentin e qytetarit Kristaq Qiqi, përmbaruesi Besnik Bajraktari nuk ka respektuar një masë sigurie të një vendimi gjyqësor, që është shprehur në favor të Kristaqit.
Vendimi kërkon, që të pezullohen veprimet përmbarimore, e megjithatë apartamenti është dhunuar e i është ndryshuar brava.
Gazetari: Një pyetje tjetër: pse ke hapur lirim-dorzim sendi, kur ti e ke marrë sendin..?
Pronarja e truallit, Ada Pasmaçiu: E kam ëëëë ndryshuar, objektin e padisë.
Gazetari: Kur?
Pronarja e truallit, Ada Pasmaçiu: Mbas ekzekutimit është ndryshuar objekti i padisë.
Gazetari: Je e sigurtë?
Pronarja e truallit, Ada Pasmaçiu: Jam shumë e sigurtë…
Gazetari: Kemi një masë sigurie, ke ndryshuar derën…!
Pronarja e truallit, Ada Pasmaçiu: Ca? Je më terezi ti..?
Gazetari: Jam shumë në terezi!
Pronarja e truallit, Ada Pasmaçiu: Taniiii, çfarë thua ti? Po si mund të jetoj unë me derën, kur..?
Gazetari: Po masë e sigurisë do të thotë të rrijë aty ku është dhe çelsin duhet ta ketë përmbaruesi, jo ti zonjë..!
Pronarja e truallit, Ada Pasmaçiu: Po ç’punë ka përmbaruesi me apartamentin tim, o zotëri?!
Nga ana tjetër, edhe sjellja e efektivëve të komisariatit numër 3 është shumë e dyshimtë. Pa asnjë dokument punonjësit e komisariatit numër 3 shoqërojnë Kristaq Qiqin, duke favorizuar Ada Pasmaçiun.
Pronarja e truallit, Ada Pasmaçiu: Me celular të filmojë ai shtëpinë time…
Komisariati 3: Po lëre celularin, mo…!
Kristaq Qiqi: Jo mo jo! Dua ta filmoj unë, çfarë i ka bërë shtëpisë..!
Komisariati 3: Ore, ke për t’i marrë ato tashiiii aaa…?
Kristaq Qiqi: Do i marr..!
Komisariati 3: Po mirë, hajde merri, leri ato tani..!
Kristaq Qiqi: Ma largo këtë njëçikë përjashta..!
Pronarja e truallit, Ada Pasmaçiu: Jo mo, jo! Nuk largohem unë nga shtëpia ime!
Kristaq Qiqi: Dëgjo! Më jep një dokument, që kjo është prona jote! Kaq!
Pronarja e truallit, Ada Pasmaçiu: I kam lënë në polici. Ishim në polici deri tani.
Komisariati 3: Po i kemi bërë kopje…
Kristaq Qiqi: Po mo po, kopje. Unë e kam këtu, ti thu kopje.
Komisariati 3: O zotëri, hiqe celularin!
Kristaq Qiqi: Do ta xhiroj mo, se çfarë i ke bërë shtëpisë.
Pronarja e truallit, Ada Pasmaçiu: Jo mo jo, nuk futesh ti në shtëpinë time me xhiru.
Kristaq Qiqi: Do ta sqarosh një çikë këtë ti?!
Komisariati 3: Ke për t’i marrë ato, tani po lëre telefonin!
Kristaq Qiqi: Po jo, telefonin unë do e mbaj!
Komisariati 3: A do me xhiru ti tani? Hajde me mua tani! Natën e mirë!
Kristaq Qiqi: Ou! Pse kështu qenka?!
Komisariati 3: A ke për të marrë gjë aty ti tani, se s’kam për të ndenj gjithë natën me ty, dërr, dërr, dërr! Hajde merri tani, lej atë tani dhe bëj çfarë të duash ti!
“Shkova në rajon, më kanë mbajtur 6 orë dhe si përfundim kur shkova në shtëpi, ishte e mbyllur prapë”, tha Qiqi.
Kur zoti Qiqi shkon në këtë institucion bashkë e avokatin e tij, punonjësit e policisë refuzojnë t’i marrin kallëzimin.
Av. i Kristaq Qiqit: Të lutem shumë! Kristaq Qiqi në prezencën e avokatit, oficerja nuk pranon të marri kallëzimin.
Oficerja, Komisariati 3: Ule një çikë atë telefoni ti!
Av. i Kristaq Qiqit: Të lutem shumë! Pse nuk pranon t’i marrësh kallëzimin Kristaqit?
Oficerja, Komisariati 3: Merrja pak telefonin!
Polic: Të lutem, se je në zyrë të shtetit tani!
Av. i Kristaq Qiqit: Në zyrë të shtetit dua të bëj kallëzim përpara policisë! Policia nuk ma merr kallzimin. Ma jep dot arsyen ti dhe ti, përse nuk e merr kallëzimin? Përse nuk pranon ti, që zotëria të përfaqësohet me avokatin e vet? Kush je ti, që vendos, që vullneti i tij të shtrembërohet dhe ai mos përfaqësohet me avokat?
Oficerja, Komisariati 3: Mbylle telefonin të lutem shumë!
Av. i Kristaq Qiqit: Unë e mbyll telefonin në momentin, që ti më jep shpjegim, se pse nuk e zbaton ligjin, zonjë e nderuar !
Oficerja, Komisariati 3: Mbylle telefonin, sepse është institucion shtetëror dhe nuk lejohet telefoni!
Av. i Kristaq Qiqit: Institucion shtetëror, që ke detyrim të marrësh kallëzimin!
Oficerja, Komisariati 3: E ke shumë gabim! Hiqja telefonin atij shpejt!
Av. i Kristaq Qiqit: Telefonin s’e prek dot ti, të avokatit!
Polic: Po hiqe mo ti tani, është oficerja, ajo i di ligjet, ti je avokat në punën tate, ajo është në zyrën e shtetit.
Av. i Kristaq Qiqit: A po bëj ndonjë gjë të paligjshme unë? Po i kërkoj të marrë kallëzimin penal! Përse nuk e merr kallëzimin penal?!
Polic: Ore ke.., n.q.s nuk e merr ajo, ke të drejtën e ankesës, të shkosh të ankohesh aty, ku është për t’u ankuar!
Av. i Kristaq Qiqit: Nuk kam mundësi ankese, mua po më vjedhin shtëpinë!
