Skandali i abuzimit të minorenes në periferi të Tiranës ka sjellë pezullimin nga detyra të drejtorit të shkollës ku ajo studionte.
Burime nga ministria e Arsimit bëjnë të ditur se drejtori i shkollës, Besnik Daci, është pezulluar përkohësisht deri në përfundim të hetimeve. Deri tani nga kjo ngjarje e rëndë janë lënë në burg nga gjykata, 65-vjeçari Abaz Dogu dhe 3 të rinjtë të cilët kishin abuzuar të miturën pasi e kishin shantazhuar.
Rasti është denoncuar nga vetë 15-vjeçarja e cila ka rrëfyer se është abuzuar seksualisht nga roja i shkollës 9-vjeçare ku ajo studionte. 65-vjeçari Abaz Dogu e kishte përndjekur, shantazhuar dhe më pas abuzuar 15-vjeçaren dhe kjo ka vijuar prej një viti. Ai kishte filmuar momentet e abuzimit të cilat ja kishte shpërndarë edhe disa personave të tjerë të cilët dyshohet se kanë abuzuar me minorenen.
Ndërkaq, grupi hetimor po heton për persona të tjerë që mund të kenë patur dijeni për ngjarjen që ka tronditur opinionin publik. Familja e të miturës është zhvendosur nga Paskuqani për të evituar një hakmarrje të mundshme. /Opinion.al
