-U tha në Opinion

Abuzimi i 65-vjeçarit me të miturën, Lala: Videoja i ka shkuar familjes


Bëhu pjesë e Grupit Zyrtar të Opinion.al
>> KËTU <<
               Publikuar në : 22:50 - 01/06/20 |
Opi Nion

Gazetarja Klodiana Lala ka rrëfyer të tjera detaje lidhur me abuzimin seksual të 15-vjeçares, nga një 65-vjeçar, pas shantazhimit të këtij të fundit kundrejt minorenes. Në një intervistë në emisionin “Opinion”, gazetarja tha se një pjesë e videos që u filmua nga i moshuari, i ka shkuar edhe familjes dhe gjithashtu është publikuar në rrjetet sociale. Ajo çfarë e bën edhe më të rëndë këtë histori, është fakti që të gjithë në zonë kishin informacion lidhur me ngjarjen. Lala thotë se një ndër nxënësit e arrestuar gjithashtu për abuzim është djali i një mësueseje të shkollës.

“Abaz Doku ishte roja i shkollës ku vajza shkonte në klasën e 6-të. Në klasën e 7-të i ka vënë në presion psikologjik, nëse ajo nuk bëhej e tij do t’i shkruante emrin në mure, do të thoshte që ishte e përdalë. Më pas ka filluar ta joshë vajzën dhe më në fund ka arritur të kryejë marrëdhnëie me të në banesën e vëllait. Aty e ka filmuar dhe disa kohë e ka vënë në presion duke e kryer këtë akt në mënyrë të vazhdueshme. Për shkak të sjelljes jokorrekte si roje, drejtuesit e kanë larguar. Ata deklarojnë që nuk kanë patur dijeni. Këtë video Abaz Doku e ka shpërndarë në disa nxënës të shkollës. Ata kishin gjetur një shtëpi të braktisur pranë lumit të Babrrusë dhe aty kryenin aktin. Familjarëve u ka vajtur një pjesë e videos dhe videoja është hedhur edhe në rrjetet sociale.

Njëri nga djemtë e arrestuar për abuzim është djali i një mësueseje, e cila në prokurori ka pranuar se kishte informacion çfarë ndodhte me vajzën. Ajo ishte një histori që e dinte gjithë zona. Babai ka vajtur fillimisht dhe ka kërkuar llogari tek familjarët e 65-vjeçarit. Ata i kanë thënë që e kemi larguar nga shtëpia. Më pas është nëna që bashkë me vajzën kanë shkuar në polici. Kjo histori kishte 2 vjet dhe në mënyrë flagrante që nga marsi i vitit 2019”, tha gazetarja./Opinion.al

 

 

Pas